Magluwas sa ginpabutyag nga pagpamatuk sang pamunuan sang Almana Property Development Corporation sa ginahinyo nga Resolution of No Objection sang Bredco sa konseho, may mga luyag man klarohon si Councilor Al Victor Espino angut sa Comprehensive Revised Reclamation Agreement sang siudad upod sa pamunuan sang property developer.
Gani ginduso niya ang pagpatigayon sang hearing agud ma-usisa ang reklamo sang APDC kag masabat ang mga palamangkuton bahin sa pagdumala sang Bredco sa mga propiedad sa reclamation area.
Ang pamunuan sang APDC naghinyo nga i-deny sang konseho ang request sang Bredco bangud sarang ini maka-apekto sa ila propiedad kag sa ginaduso nga pagtukod sang Global Business District Project upod sa LGU.
Nagapati naman si Espino nga ang road lots sa sea port ang ginapanag-iyahan sang siudad gani indi dapat ang Bredco manukot sang toll fees.
Gin-accept na sang Committee on Laws and Ordinances ang request sang BREDCO para sa RONO sa ginaplano nga 25 hectares nga reclamation project.
Pero suno kay Espino indi nila ini pag aktohan kun indi mag comply ang property developer sa ila mga queries.