Isa ka grupo sang mga health care workers sa Bacolod ang nagpositibo sa COVID-19 matapos nga magkadto sa isa ka isla sa probinsya.
Ginpahayag sang deputy for medical sang Bacolod Emergency Operations Center nga si Dr. Chris Sorongon nga lunsay nga nagpositibo sa virus ang ini nga mga health care workers sa ila nga pagbalik sa siudad.
Gani ginapaandaman ni sorongon ang mga health care workers kag pati na ang tanan nga mga frontliners nga maghalong bangud bisan manubo na ang kaso sang COVID-19 sa Bacolod yara sa gihapon ang risgo nga maangkon ang virus.
Gindugang pa ni Sorongon nga nagdamo man karon ang mga pasyente nga nagapakonsulta sa Bacolod Respiratory Outpatient Center nga nagabatyag sang mga sintomas sang COVID-19.
Nagapanawagan siya sa publiko nga indi magkumpyansa kag maghalong sa gihapon kun yara sa gwa sang panimalay kag masunod sang minimum health protocols.