Nadugangan na naman ang mga healthcare workers nga nag positibo sa COVID-19 sa siudad sang Dumaguete.
Sa bag-o nga datos sang Negros Oriental, may duha naman ka doktor nga nag positibo sa virus, isa ka midwife, isa ka radiologic technologist kag isa ka healthworker.
Sila ang mga naga trabaho sa hospital sa Dumaguete.
May staff man sang Negros Oriental Provincial Hospital Molecular Laboratory nga nag positibo sa COVID-19 kabangdanan nga gin closed anay sa karon ang laboratory.
Siyam tanan ang dugang nga kaso sang COVID-19 sa Negros Oriental kag yara na sa 111 ang total active cases sang COVID-19 sa probinsya.