Shadow

Health center nalakip sa inug demolish sa Brgy. 12 sa Bacolod 

Health Center sa Barangay 12 nga ginagamit sang walo ka mga clustered barangays ang nalakip sa iga-demolish para sa development project sang SMPHI sa reclamation area.

Ginasuguran na karon ang demolisyon sa Vendors’ Plaza sa reclamation area. Gani may pagkabalaka ang pila ka mga barangay health workers sang health center nga tupad lang sang Vendors’ Plaza kun diin na sila isaylo bangud nalakip sa iga demolish ang health center.

Ini ang ginagamit sang walo tanan ka mga clustered barangay nalakip diri ang barangay 8, 9, 10, 11, 12,17, 18 kag 21.

Sa pagsinapol sang mga punong barangay kay Mayor Albee Benitez ginsiling ni Councilor Claudio Puentevella nga mangin prayoridad ang pagtukod sang superhealth center para sa nasambit nga clustered barangays.

Plano sang siudad nga i-construct sa ginaplano nga Yuhum Housing Project sa Barangay 8 ang isa sa 5 ka mga ginaplano nga super health center ukon mini-hospitals. 

Secured By miniOrangeSecured By miniOrange