Mga hazardous waste nga naga bug-at sang sa 111,111 kilograms nga gikan sa duha ka mga ospital sang probinsya ang ginkuha para sa proper disposal kag treatment.
Ginsiling ni Provincial Administrator Rayfrando Diaz, ini ang nahauna nga tion para sa gobyerno probinsyal kag sa mga ospital man nga gina padalagan sang probinsya nga makuha ang hazardous waste para sa proper disposal kag treatment.
Gin una ang hazardous waste sang Teresita Lopez Jalandoni Provincial Hospital sa Silay City kag ang Cadiz District Hospital.
Ang ospital sa Cadiz ang nagserbe COVID hospital kag ang sa Silay naman yara didto ang molecular laboratory.
Ang Urban Hazmat Transport amo ang winning bidder kag ini sila ang nag transport sang hazardous waste kag paga dal-on sa treatment facility sa Cavite suno kay Diaz.
Ini ang kabahin sa compliance sa mga requirements sang Department of Environment ang Natural Resources kag Department of Health suno kay Diaz.
Sadto gina lubong ang hazardous waste sa hospital compound kag septic vaults.
Masunod naman ang nabilin nga mga ospital sang probinsya.