Si Benjie Villanueva las sais sang aga pa nag sugod salom sa baybayon sang Valladolid. Las nuebe na siya naka kadto sa takas bitbit ang walo ka kilo nga diwal.
Ang bitbit niya, binangon kag goggles sa pag panguha sini. Pag abot niya, gina awagan ang iya mga nagkalakuha.
Pero indi sila ang baligyaan ni Benjie, naka reserve na ang iya ginsalom nga mga diwal. Wala pa kuno masalom, nautangan na!
Ang manug kasag nga si Joh Michael Porcel naman, naka duha na ka balik. Masobra na sa napulo ka kilo ang iya na harvest.
Dako kuno nga bulig ang diwal kun harvest season kay indi na siya mabudlayan pa kay masalom lang siya, sigurado may income na.
Naka tres mil pesos na siya sa masobra napulo ka kilo. Tres siyentos ang kilo ang pamakal sa ila sang mga naga baligya kag buhinan sang beinte pesos nga tax.
Ang sisentay singko anyos naman nga si rogelio ordinaryo nanalum man diwal pero indi para ibaligya kundi para konumuhon sa balay.
Tanan nga divers dapat may permit gikan sa banwa. Tanan nga naga baligya dapat magkuha man sang permit.
Enero lang tubtob Abril ang harvest season. Pagkatapos sang Abril indi naman anay pwede. Suno sa OIC municipal agriculturist nga si Rosela Bayaborda, kun pasugtan lang,
Maubos ang diwal sa kadagatan. Gani dapat nga i control kag halongan.
Ang diwal kuno ang isa ka rare nga sahi sang shell kag madasig nga mabuka gani dapat halongan. Sa baybayon sang central Negros ini makit-an. Sa dolid, kadamo kuno sang naga binakal kay dalagko kag lain ang sabor.
May mga motorista nga naga pondo para magbakal sa higad sang dalan.
May mga pulis nga naga pang saway kag panagtag sang mask sa mga wala naga mask.
Masako ang transkasyon sang tanan. Mabakal kuno abe kay gina bantayan sang kadam-an ang sugod sang harvest season.
Suno sa mga pumuluyo, sugba ukon steam ang nami sa diwal pero dapat anay ini nga maluaron sang balas antes lutuon
Pero sa mga pumuluyo, bugay ini gikan sa ibabaw matapos magkala halitan man ang mga residente kag mananagat sang bagyo nga Odette