Indi pa mapat-ud sang pamunuan sang Comelec-Bacolod kun san-o maga-abot ang mga vote counting machines kag iban pa nga election related paraphernalia nga pagagamiton sa May 9 national kag local elections.
Pero ginpahayag ni acting Comelec-Bacolod officer Atty. Revo sorbito nga nakahanda na ang mga warehouses sa bacolod nga gintalana nga storage area para sa mga vcm kag iban pa nga mga Equipment nga ginsuguran na deploy sang Comelec main office sa Manila.
Madasun nga iga-deploy sang Comelec ang mga battery para sa VCM kag mga ballot boxes sumugod Marso 31 tubtob Abril 10.
Kasunod sini ang mga non-acountable forms kag supplies nga iga-deliver man sa mga provincial kag city treasurers offices.
Ang Comelec local office ang natalana man nga magasapol upod sa mga PNP kag AFP para sa seguridad sang maga-inabot nga equipment kag supplies nga para sa pinili-ay.