Halos P1.1 billion na ang na-release sang Department of Social Welfare and Development sa mga apektado sang bagyo Tino sa idalom sang emergency cash transfer sa Negros Island Region.
Suno kay Arwin Razo ang regional director sang DSWD NIR, gina kumpleto na lamang nila ang releasing para sa unclaimed ukon yadtong mga benepisyaryo nga napaslawan sa pag claim sang ila nga assistance.
Ginatinguhaan nila nga ma kumpleto na ang releasing sini nga semana.
Suno ni Razo, ini para man maka handa man sila sa tion nga magasugod naman ang releasing sang subsidy sa mga apektado nga public utility drivers.
Wala pa sila maka baton sang abiso angut diri. Una nga rollout pa lamang sa National Capital Region.
Nagahulat sila nga ma cascade man sa ila ang mga guidelines angut sa amo nga payout sa mga rehiyon lakip na diri ang kantidad upod na ang Land Transportation Franchising and Regulatory Board kag local government units. May pagsinapol sila sini nga hapon.
“Patapos na siya, hopefully. Kaya nga we’re trying to complete it this week. If ever mag cascade na sa amin yung fuel subsidy yun na din yung isusunod namin. Ito ay kukunti na unclaimed”, suno kay Razo.*
[sibwp_form id=1]