Nangin sunod-sunod na ang mga inadlaw nga may ginapatuman nga manual load shedding ukon ang pasunod nga mga brownouts kag indi lamang ini nagakatabo sa area of coverage sang Negros Power.
Bisan ang Negros Occidental Electric Cooperative ukon NOCECO ang naga patuman man sini. Amo man ang Northern Negros Electric Coopertive ukon NONECO.
Ini tanan bangud sang pagpaidalom sang Visayas Grid sa Red Alert bangud sang kulang nga power supply.
Subong nga adlaw, base sa advisory sang National Grid Corporation of the Philippines ukon NGCP, Red Alert humalin las singko sang hapon tubton las sais sang gab-i.
Buot silingon kulang ang power supply nga naga sulod sa Visayas Grid. Yellow Alert naman 3pm-5pm kag 6pm-9pm. Intsaktuhan lang ang supply sang kuryente sa demand sang Visayas kag wala na sang extra pa engkaso nga magsaka ang demand.
Gani may pila na naman ka mga lugar nga maga eksperyensya sang sunod-sunod nga mga bronwouts.
Suno sa NGCP may mga planta nga wala naga haboy sang power supply sa grid gani kulang ang supply sang kuryente kag limitado lang man ang supply sang kuryente nga ginahaboy sa Visayas sang Mindanao grid kay may mga planta man didto nga wala naga produce sang power supply.
[sibwp_form id=1]