Ginsugdan na sang Philippine Red Cross – Negros Occidental Bacolod Chapter ang pag patukod sang mga balay para sa mga apektado sang kalamidad sa Biaknabato sa La Castellana kag Inolingan sa Moises Padilla.
Ginsiling ni Punong Barangay Joselito Martinez, Jr., sang BiaknaBato sa La Castellana may 106 ka mga pamilya sa ila nga barangay ang nabuligan sang Red Cross sa pag patukod sang balay.
Ini sila ang nadulaan sang balay sang mag igo ang Bagyo Tino sadtong nagligad nga Nobyembre 2025. Nalakip man sa mga napatukuran sang balay ang mga naga puyo sa 4km permanent danger zone sang bulkan Kanlaon kag yadtong mga ginkakas nga sakop sang 10 to 20 meters nga easement sa kilid sang suba. Suno kay Martinez daku ang bulig sini sa ila labi na sa mga pumuluyo.
P60,000 ang gin-release para sa mga materyales kag separado nga P20,000 para sa labor suno kay Martinez.
Partner sang Red Cross sa shelter recovery intervention ang International Federation of Red Cross.
Sa Brgy Inolingan naman sa Moises Padilla suno kay Rita Benita Mirasol ang chapter administrator sang Negros Occidental Bacolod Chapter, may 92 naman ka mga beneficiaries. 13 diri ang ginbuligan kaayo ang ila nga mga balay kag 79 naman ang ginpatindugan sang balay.
Padayon sa karon ang construction sang sini nga mga balay.
“As of now continuing ang patindog. Kay indi man sila tanan madungan kay tungod ang mga panday. Sa subong wala pa ka lab-ot 100 ang napatindog. Daku gid nga blessing sa Brgy Biaknabato,” suno kay Martinez.
[sibwp_form id=1]