18 na ang mga banwa kag siudad nga nag-record sang swine deaths sa probinsya. Isa man ka bag-o nga barangay ang nagdugang sa mga nag report sang pig deaths.
Sa datus sang Provincial Veterinary Office sang Hunyo 27, nagdangat sa 166.1 million pesos na ang balor sang kahalitan tuga sang swine deaths.
Ang banwa sang San Enrique nga gina sundan naman sang Bago City kag banwa sang Valladolid ang mga may matag-as nga recorded pig deaths.
Masobra sa 2,000 ka mga baboy ang na record nagkalamatay sa amo nga mga LGU.
Pero sa June 27 man nga datus makit-an ang pag nubo sang nagakapatay nga mga baboy sa matag-adlaw kun ipa anggid sa nagliligad nga semana kun sa diin naga dangat sa 300 tubtob 400 ang nagakapatay nga mga baboy.
Padayon naman ang assistance nga ginahatag sa mga apektado nga hog raisers.
Sang Lunes ginlunsar sang probiinsya upod ang Project HOPE Foundation, Inc. kag iban nga partners ang Project HOPE ukon Honest Opportunities for Philippine Entrepreneurs nga naga tuyo sa paghatag sang libre nga livelihood program sa mga Negrense entrepreneurs.
Suno kay Provincial Administrator Rayfrando Diaz may 400 ang nagbenepisyo sang amo nga programa nga naga lakip sang mga apektado nga hog raisers.
Iban nga mga benepisyaryo sang proyekto ang sa idalom man sang mga programa sang Provincial Environment Management Office, Office of the Provincial Agriculturist kag Technological Livelihood Development Center.