Halos 200 million pesos na ang kahalitan sa pananum tuga sang drought sa probinsya. Bulig para sa mga mangunguma nga apektado ang gina hinyo.
Sa April 16 nga report sang Office of the Provincial Agriculturist kay Governor Eugenio Jose Lacson, 197.1 million pesos ang gin-report nga kahalitan. 192.2 million pesos ang halit sa humayan kag 4.9 million pesos naman sa maisan. Kadam-an sa mga banwa kag siudad nga apektado ang yara sa sur sang Negros Occidental. Ang banwa sang Cauayan nga sakop sang 6th District ang may pinaka daku nga kahalitan – 66.1 million pesos. Naga sunod ang Kabankalan City nga sakop man sang 6th District, nga may yara sang 41.9 million pesos nga kahalitan. Damlag pa ang Kabankalan City kag banwa sang San Enrique ang nag deklara na sang state of calamity. Suno kay 6th District Congresswoman Mercedes Alvarez, siya ang naghinyo na sang bulig sang Department of Social Welfare and Development kag Department of Agriculture para mahatagan sang assistance ang mga apektado nga mangunguma. Bilog nga distrito sang 6th District ang nag-report sang kahalitan tuga sang tuman nga kaiiniton.
“We’ve been asking Department of Agriculture and DSWD for assistance sa mga farmers naton nga affected by the drought. Thankfully in the past few weeks once in a while naga ulan pero on my part I personally bought my own water tank to bring around the barangays”, suno kay Alvarez.