Nagdangat na sa 38 million pesos ang balor sang kahalitan nga natuga sang fall army worms sa mga maisan sa Negros Occidental.
Sa report sang Office of the Provincial Agriculturist kay Negros Occidental Governor Eugenio Jose Lacson as of July 31, 2024, ang damage report tuga sang fall army worms ang yara na sa 38,074,800 pesos. Onse naman ka mga banwa kag siudad sang probinsya ang nag report sang kahalitan tuga sang fall army worms kag ini ang nagalakip sang Himamaylan, Hinoba-an, Isabela, La Castellana, Murcia, Moises Padilla, Calatrava, Sipalay, Ilog, San Carlos City kag Don Salvador Benedicto.
Isa sa mga kabudlayan man nga nasugata karon suno kay Governor Lacson amo nga sa paniempo karon may pagkaon nga sarang makuhaan ang army worms rason nga may kabudlayan nga sila ang gilayon nga matapna.
Natigayon naman ang bidding para 3 million pesos nga gin-allocate sang probinsya para sa mga bulong kontra sa fall army worms.