Kahalitan sa agrikultura sa Western Visayas ang nagdangat sa 689.9 million pesos.
Ini base sa datus nga gin-release sang Office of the Civil Defense Region 6 as of March 6.
Suno kay Cindy Ferrer ang Information Officer sang OCD 6, may pinaka daku nga na-report nga kahalitan amo ang Iloilo Province nga nagdangat sa 486 million pesos, naga sunod naman ang Antique nga may 115 million pesos kag ikatlo ang Negros Occidental nga may 55 million pesos nga kahalitan sa amo nga report.
Sa mga probinsya sa Western Visayas ang Negros Occidental ang yara sa drought category.
Natalana pa nga magsapol bwas nga adlaw ang OCD upod sa task group kag mga PDRRMO para italakay ang sitwasyon sa rehiyon sa tunga sang gina ekperiensya nga kainiton sa karon dala sang El Nino Phenomenon.
Sa ila ulihi nga report suno kay Ferrer bahin sa water supply monitoring wala man sang critical low level sa mga dam sa probinsya.
Ang nag-report lamang sang may kakulang sang tubig amo ang Himamaylan.
Suno kay Ferrer anum ka mga barangay sini ang apektado kag nahatagan na sang solusyon ang kakulang sang tubig paagi sa pag pre-position sang mga water tanks.
“That will be discussed tomorrow if there is a need already to declare state of calamity for the region and may mga tagsa man ka meeting ang aton at their levels depende sa ila assessment because we have parameters based on the memorandum naton nga dapat may population nga at least 15 percent sa aton local government unit and also may damage sa agriculture man nga certain percentage para maka declare mag qualify nga maka declare sila state of calamity”, suno kay Ferrer.