Nagdangat sa 21.2 million pesos ang balor sang halit sa mga maisan tuga sang army worms sa probinsya.
Sa report sang Office of the Provincial Agriculturist, as of July 16, 21,212,505 pesos ang balor sang kahalitan sa mga maisan sa Himamaylan, Hinoba-an, Isabela, La Castellana, Murcia, Moises Padilla kag Calatrava.
Klaro ni Nilo Basco Jr ang head sang Crop Protection Section sang OPA, ang datus ang naga tumod lamang sa mga banwa kag siudad nga tigayon naka submit sang report kag ila naman nga na validate.
May mga local goverment units pa suno kay Basco nga wala sa gihapon naka submit sang report angut sa kahalitan nga natuga sang army worms.
May 1,817 ka mangunguma ang apektado kag 1,217 naman ka ektariya sang maisan ang nahalitan.
Padayon ang kampanya sang probinsya kontra army worms kasubong man ang pagpatuman sang tikang agudto matapna ini.