Kahalitan sa pananum kag fisheries dala sang mabaskug nga ulan kag pag baha ang nagdangat sa masobra 118 million pesos.
Sa report sang Office of the Provincial Agriculturist 116,808,553.71 ang kahalitan sa pananum probinsya tuga sang southwest monsoon nga gin pabaskog sang bagyo Goring.
Masobra sa 116 million pesos ang halit sa palay nga kuntani para na sa ani. 13 ka mga banwa kag siudad sa probinsya ang nag report sang kahalitan sa palay.
Masobra sa 3,300 hectares ang nahalitan kag 2,888 naman sa ka mangunguman ang apektado.
1,447,000 pesos naman ang kahalitan sa fisheries gikan sa duha ka LGU.
Sa report sang Provincial Veterinary Office nga gin release August 30, 5pm, sang Provincial Disaster Risk Reduction Management Council nagdangat sa 2,569,380 pesos ang balor sang kahalitan sa kasapatan gikan sa siyam ka mga banwa kag siudad tuga sang malain nga panahon.
Samtang nagdangat naman sa 100,334 ang apektado nga mga pumuluyo bangud sang malain nga panahon sa probinsya.
1,949 ka pamilya ang nagapabilin sa mga evacuation center kag 2,192 ka pamilya ang nag evacuate kag nagapabilin sagwa sang mga evacuation centers.
May 94 ka balay ang gin report nagkalaguba kun sa diin 24 ang totally destroyed.