Halit sa pananom dala sang habagat nga ginpabaskog ni bagyo Egay ang nagdangat sa 43.6 million pesos.
Ini sandig sa report sang Office of the Provincial Agriculturist. Halit sa palay ang pinakadako – 35.2 million pesos.
May kahalitan man sa High Value Commercial Crop, mais, fisheries kag irrigation.
Masobra naman sa 500,000 pesos ang balor sang kahalitan sa kasapatan sa kahapon nga report. Sa July 28, 11am report sang Provincial Disaster Management Program Division, 108 ka mga barangay sa Negros Occidental ang apektado sang habagat 56,988 naman ka ma indibidual ang apektado.
102 naman ka persona ang naga pabilin sa evacuation center.
May duha naman ka mga gin-report napatay sa probinsya.
Isa sa Hinigaran kag isa naman sa Murcia. Ini ang isa sa mga ginhatagan atensyon ni Governor Eugenio Jose Lacson santo man sa gina patigayon karon nga DRRMO Summit.
Suno sa gobernador may nautas pa nga kabuhi nga indi man direkta nga apektado sang bagyo ang probinsya.
Suno kay Irene Bel Plotena ang pamuno sang, mas pabaskugon pa gid nila nga ang ila nga information dissemination, labi na sa komunidad.
Bangud bisan pa ano nga pag pahalong sang mga disaster teams, indi malikawan ang kasubong nga mga insidente bangud sang kaugalingon nga mga desisyon sang pumuluyo.
Samtang, report sang Provincial Social Welfare and Development Office1,510 ka mga family food packs ang napadala sa pito ka mga LGU bilang pag augment sa ila.
Masobra naman sa 979,000 pesos ang balor sini.