Hagna para sa pag porma sang Negros Island Region ang gin-file ni Second District Representative Alfredo Maranon, III sang Biernes.
Gina paabot man ang pag-file sang hagna ni 3rd District Representative Francisco Benitez subong ukon bwas nga adlaw. Suno kay Benitez nag-file man sang hagna si Representative Juliet Marie Ferrer sang 4th District.
Suno kay Maranon, ang House Bill 330 ang naga duso sang pag isa sang Negros Occidental kag Oriental bilang isa ka rehiyon.
Maga serbe gyapon nga center sa mga talatapan ang Bacolod City kag Dumaguete City suno sa kongresista.
Ang pito ka mga kongresista sa Negros Occidental kag tatlo sa Oriental ang naga suporta sini.
Ang iga file nga hagna ni Benitez ang maga lakip sang probinsya sang Siquijor.
May ginahulat pa siya sa karon nga lagda gikan sa Negros Oriental.
Suno kay Benitez ang lihok ang suportado sang Visayan bloc.
May nagkalain-lain man nga hagna nga ma-file suno kay Maranon kag Benitez, paglab-ot sa komitiba iga consolidate ang mga bills nga naga porma sang NIR.
Kun luyag man nga malakip ang Siquijor, bukas man diri si Maranon.
Positibo si Maranon nga ma-pasar ang hagna labi na nga suportado ini sang national leaders, bisan gani sang tion sang eleksyon madamo ang nagpabutyag sang suporta para diri.