Hagna nga magapabaskog pa sang tikang sa pag amlig sa baybay ginapaabot maaprobahan sang kongreso.
Ang pagpatuman sang istrikto kag mabug-at nga penalidad sa mga maritime incident kasubong sang pagluntad sang oil spill kabahin sang mga tikang nga napatpat sa ginduso nga Blue Econmy Bill ni Congressman Francisco Benitez sa tuyo man nga mapangapinan ang kalalawran.
Sa amo man nga hagna ginalauman mapasanyug pa ang maritime governance kag maritime industries nga sarang makapaayo man sang palangabuhian sa mga coastal barangay.
Suno kay Benitez ginapaabot nga maaprobahan sa third and final reading ang ginakabig landmark bill sa madasun nga sesyon sang kongreso.
Sa idalom sang ginapaabot nga layi ang pagtukod sang Council nga magapasiguro nga madumala sang husto ang pag gamit sang baybay kag masunod ang mga regulasyon antes pa man maduso ang mga infrastructure projects kasubong sang reclamation projects nga sarang maka-apekto sa baybay kag palibot.