Sa sulod sang Metro Bacolod District Jail-Female Dormitory sa Barangay Handumanan, natun-an sang sini nga mga kababayen-an nga may gina-atubang nga mga nagkalain lain nga kaso ukon mga Persons Deprived of Liberty ang maghimo sang hablon.
Sa pihak sang ila sitwasyon, indi ini nangin sablag agud sila ang makapangita sang palangitan-an bisan nga yara sa prisohan, paagi sa pila ka mga livelihood programs sang tagdumalahan sang jail facility.
Sini gid lang, nagsugod sa paghimo sang hablon ang mga babaye nga PDLs.
Ang hablon isa ka traditional handwoven fabric . Himo ang hablon gikan sa abaca, piña kag algudon.
Paagi sa bulig sang Super Inday Co-Love Projects, gintudluan ang mga PDLs sa paghimo sang hablon.
Pila sa mga produkto sang mga PDLs amo ang scarf kag keychain nga himo sa hablon.
Ang kinitaan sang mga PDLs halin sa mabaligya nga mga produkto, ang ila man gina-suporta sa tagsa nila ka pamilya.