Nagadalagan sa Circumferential Road sa Barangay Alijis kaina sang aga ang multicab nga gina maneho ni Warren Blance.
Wala siya maglaum nga ang iya malinong nga pag byahe ang malab-ot sa trahedya. Nakuha sa dashcam sang salakyan ni Blance ang pag overtake sang naga sunod sa iya nga tricycle kag ang aktwal nga pag bunggo sini sa naga sugata nga motorsiklo.
Matapos ang pag bunggo nag tabog pa ang driver sang motor sa multicab ni Blance
“Nag overtake siya, so, times two na daan kun ano to, [amo to nga waay na siya kabalik?] waay na siya kabalik pero kun tan-awun mo kung ga drive ka pwede mo tani mabalik galing kay basi wala ya bala nakita ang motor haw,” suno kay Capt Elmer Bonilla, Police Station 7 commander.
Dead on the spot ang driver sang motorsiklo nga si Louie vergara, 41 anyos kag isa ka gwardiya sa isa ka unibersidad sa bacolod. Detained naman sa karon ang driver sang tricycle nga si john dayday, 23 anyos.
Kaso nga reckless imprudence resulting in homicide kag damage to property ang ipasaka batuk sa iya.
Samtang, patay man ang 17 anyos nga lalaki matapos magbunggo ang ila motorsiklo sa naga parking nga truck sang Sabado sang gab-i, sa highway sakop sang Barangay San Jose sa EB Magalona.
Ang iya upod nga si Vincent Biñas, 18 anyos, ang karon padayon naman nga gina bulong sa ospital.
Sa imbestigasyon sang PNP, ang menor de edad amo ang naga dala sang motor kag naga byahe gikan sur padulong norte nga bahin sang dalan sang ini ang mag bungo sa truck nga naga parking sa dalan.
Dead on arrival sa ospital ang menor de edad. Gin detain naman ang driver sang truck.