Patay ang gwardiya nga si Shayril Casiño matapos ini mabun-an sang utod sang kaaway sang iya hinablos sa Purok Spaghab, Barangay Alijis.
Suno sa imbestigador, nag away ang hinablos sang gwaridya nga si Aurelio Casiño kag si Junie Carmona bangud lang sang habuyanay istorya sa ila trabaho bilang mga driver sang jeep.
Ginbalikan suno sa pulis ni Carmona upod sang iya utod nga si Oliver kag amay nga si Carlos si Aurelio kag lunsay may mga dala nga kutsilyo.
Buligan lang kun tani sang gwardiya ang iya hinablos nga apang gin buno ni Oliver ang gwardiya sa dughan. Nagpukutay pa suno sa pulis kag natiruhan sang gwadrya ang amay nga Carmona.
Si Aurelio nga mabulig kun tani sa tiyo ang ginbuno man ni Oliver. Patay ang gwardiya samtang padayon nga ginabulong sa ospital ang iya natiruhan nga si Carlos.
Ang duha ka anak ni Carlos ang at large sa karon. Naka gwa naman na sa ospital ang hinablos sang gwardiya.