Nadakpan ang isa ka gunrunner sa ginpatigayon nga buy-bust operation sa Highway Mabini, Brgy. 9 siudad sang Kabankalan pasado las 12 sang udto, Huwebes, Hunyo 29.
Ang suspek ginkilala kay Paul Pamplona, 43-anyos, kag residente sang Brgy. 2 siudad sang Himamaylan.
Paagi sa joint operation sang CID, RFU6, Kabankalan City PNP kag Bacolod CFU ang lead unit, natigayon nga madakpan ang suspetsado kag nakuha sa iya ang isa ka unit sang Colt 1911 .45 caliber, isa ka magazine, tatlo ka mga live ammunition sang cal. 45 kag iban pa nga mga personal nga kagamitan.
Sa karon nagapadayon ang imbestigasyon sang awtoridad kag nakahunong sa kustodiya sang Kabankalan City PNP ang suspek.