Sa memorandum sang Police Regional Office – Negros Island Region, Regional Operations Division sa pamuno sang Bacolod PNP kag Negros Occidental PNP, nakasaad nga na aprobahan ang suspension of Permits to Carry Firearms Outside of Residence sa Bacolod City may kaangtanan sa 30th Panaad sa Negros Festival.
Suno kay Col Eugene Rebadomia, ang OIC-Bacolod City Director, maga sugod ang gun ban 12:01 am sang April 13, sa adlaw mismo nga maga bukas ang Panaad sa Negros.
Tubtob ang gun ban sa 11:59 pm sang April 19, ang katapusan man nga adlaw sang selebrasyon.
Ang mga katapo lamang sang PNP, AFP kag iban pa gid nga law enforcement agencies nga yara sa official duty kag naka uniporme ang otorisado nga mag bitbit sang ila nga armas sandig sa memorandum.
Suno kay Rebadomia subong pa lang, sila na ang naga pahibalo sa mga responsible gun owners nga ipatuman sa tion sang Panaad Festival celebration ang suspension sang permits to carry firearms outside of residence.
Samtang plastado naman ang seguridad sa Panaad Festival. Ang Negros Occidental PNP ang in-charge sa seguridad sa sulod mismo sang festival sites kag ang Bacolod PNP naman ang in-charge sa gwa sang Panaad Festival site.
[sibwp_form id=1]