Bacolod LGU nagahulat na lang sang guidelines gikan sa Department of Budget and Management para sa pag-release sang salary increase sang mga city employees sa sini nga tuig.
Gin-anunsyo ni Mayor Albee Benitez nga may nagakaigo nga pondo ang siudad para sa ginapaabot nga pagpatuman sang salary increase sang masobra 2,500 ka mga regular employees kag plantilla casuals. Nakahanda naman ang City Budget Office para sa releasing sang una nga tranche sang dugang nga sweldo.
Nakasandig ini sa Executive Order no. 64 ni Presidente Ferdinand Marcos Jr. Pero ginsiling ni City Budget Officer Imelda Williams nagahulat lang sila sang guidelines nga maga gikan sa Department of Budget para matigayon nga mapalab-ot sa mga empleyado nga dugang nga saka sa sweldo.
Wala malakip diri ang mga job order employees.