Matapos ang pag-atubang ni Department of Transportation Secretary Vince Dizon sa mga katapo sang traditional jeepney organization, gilayon sila nga ginmaduan ni BCPO Director Police Colonel Joeresty Coronica nga maghalin sa Bacolod City Government Center kaina.
Pero nanindugan ang mga lideres sang grupo nga wala sila naga-rally apesar nga nagabitbit sila sang mga placards.
Ginsiling ni Coronica nga kasubong man sini ang ginhambal sang grupo sang nagluntad sadto ang tension sa dalan Lacson sang mag-rally ang grupo sa atubang sang hotel.
Antes pa sang kinagamo, nag-rally man sadto sa sulod sang lobby sang BCGC ang grupo kabangdanan sang pagka-alarma sang mga naga-transaksyon sa BCGC.
Makaligad ang malip-ot nga pagsinabatanay gilayon man nga naghalin ang katapo sang traditional transport group.