Wala mapunggan ang pag sininggitanay sa tunga sang magtimbang nga grupo sang mga market vendors sa Libertad Market kaina sang aga.
Ini matapos man nga nag gamay ang lugar nga ila mapwestuhan tuga sang nagapadayon nga road repair project sang Department of Public Works and Highways sa dalan Amelia.
Indi pa mapatuman sang siudad ang clearing operation bisan natapos na ang pag raffle sang mga stalls sa merkado bangud wala pa man napatuman ang Night Market Ordinance nga nagahatag higayon sa mga vendors nga nawad-an sang pwesto.
Si Mayor Albee Benitez ang natalana man nga maga usisa sang sitwasyon sang merkado sini nga hapon.
Sa masobra 300 ka mga vendors, may masobra 200 ang sarang tagaan sang kahigayunan nga makabaligya pinaagi sa Night Market nga magasugod las 6 sang gab-i tubtob las sinko sang kaagahon.