Katapo sang medical community indi pabor nga pahalugan ang border restrictions tuga sang nagasaka nga Covid-19 cases sa probinsya , nalakip na sa Bacolod.
Pinakamataas ang 198 Covid-19 cases nga na-record sa Bacolod kahapon.
Isa sa mga kabangdanan nga indi pabor ang katapo sang Philippine College of Physician- Negros Occidental chapter sa tuyo nga pahalugan ang border restrictions, kabahin na diri ang tuyo nga pagkakas sang negative RT-PCR test result nga requirement para sa mga travelers gikan sa Western Visayas kag Negros Oriental.
Nagapati sila nga posible makapalala lang ini sa nagasaka nga kaso sang Covid-19.
Ang Bacolod, Iloilo kag Negros Oriental ang pareho nga napaidalom sa alert level 3.
Gani ginsiling ni Em Ang, executive director sang Emergency Operations Center nga sarang ma-lift ang negative RT-PCR test requirement sandig man sa pagsulundan sang Inter Agency Task Force.
Ang mga local officials sa Region 6 ang natalana man mag-pa gwa sang executive order matapos mag-ayo ang katapo sang business sector.
Bangud wala pa man sang executive order ang mga fastcraft operator ang temporaryo anay nga nag-suspend sang biyahe.