Groundbreaking para sa construction sang bag-o nga city hall sang Bacolod natalana sa Agosto 6.
Napalalibutan na sang kudal ang palibot sang daan nga city hall sa Luzuraga Street.
Ini samtang nagapadayon ang demolisyon para sa construction sang bag-o nga city hall sang siudad.
Ang 3-storey building lang ang iga-demolish sang contractor kag wala sang tandugon sa Fountain of Justice. Ginsiling ni Engr. Loben Ceballos, OIC sang City Engineer’s Office, nalakip sa disenyo sang bag-o nga city hall ang atop nga magatabon sa water fountain.
Sa Agosto 6 na gintalana ang groundbreaking ceremony para sa construction sang P223M rehabilitation project.
Ginakinahanglan man sang dugang P8OM para sa kabilugan nga proyekto nga ginalauman matapos sa madasun tuig.