Nagtupa man ang ulan pero wala nalinkang ang masobra sa otso mil ka mga supporters kag tumalan-aw nga nag-upod sa grand rally sang Asenso Victoriahanon sa atubang sang Victorias City Hall kagab-i.
Kaupod sang mga grupo ang sikat nga singer/artist nga si Bmboo.
Nagkipag-jamming man sa banda nga I Belong To The Zoo ang pamuno sang grupo nga si mayoralty candidate Javi Benitez kag girlfriend nga si Sue Ramirez.
Nagtambong sa rally sanday Governor Eugenio Jose Lacson kaupod ang mga opisyales sang 3rd District.
Nagpanugyan ang gobernador sa mga Victoriahanon nga indi pagsapakon ang mga black propaganda kontra kay Benitez.
Ginpahayag naman ni Benitez nga iya na ginapasaylo kag ginapangamuyuan ang mga nagatuyo sa pag-guba sang iya karakter nag-upod man sa ila ang amay ni Javi nga si Bacolod City mayoralty candidate Albee Benitez kag 3rd District Congressman Francisco Benitez.
Nag-perform man sa selebrasyon sang mga Victoriahanon ang banda nga Brownman Revival. Ginkakunyag man sang mga tumalan-aw ang magarbo nga fireworks display.