Isa ka wala pa maglupok nga granada ang nasapwan sa Purok 1, Barangay Maslog, Sibulan, Negros Oriental kahapon sang aga. Sa report sang Sibulan PNP, gin-report sa ila sang isa ka ginkilala kay Benedicto Villalon Jr. nga nalabyan niya kag nakita ang isa ka wala pa maglupok nga granada.
Nasulod ini sa plastic bag kag ginbilin lang sa hilamonan sa higad sang dalan. Yara na ini karon sa kustodiya sang Provincial Explosives and Canine Unit (PECU)- Negros Oriental kag natalana nga i-dispose.