Pwede na makapatuman sang graduation ceremony ang mga buluthuan kag unrestricted naman ang mga mass gatherings kag events sa idalom sang alert level 1 sa Bacolod.
Pero suno kay Dr. Edwin Miraflor, OIC sang City Health Office, kinahanglan gihapon ang hugot nga pagpatuman sang minimum health protocol kag ang BacTrac system requirement,ilabi na sa mga indoor activities kag events.
Paathag ni Miraflor nga magluwas sa natukod nga BacTrac ordinance, importante ang contact tracing measure para mapunggan ang paglapta sang Covid-19 bisan mahalog na ang travel restrictions sa siudad.
Nagapahanumdom man ang opisyal sang Bacolod Emergency Operations Center sa mga organizer sang mga events lakip na mga campaign sorties nga dapat gihapon sila mag coordinate sa EOC kag sa barangay para sa monitoring kag sa pagpasiguro nga naka face mask kag ginapatuman ang social distancing sa kasubong nga mga aktibidad.