Nakabunggo sa likod sang Hyundai Accent ang motorsiklo nga ginamaneho sang isa ka graduating aeronautics student sa national highway sang Barangay Mabini, banwa sang Pulupandan, Domingo sang kaagahon.
Gindala sa Valladolid District Hospital apang gindeklarar nga dead on arrival ang biktima nga si Christian Colindres, 23-anyos, residente sang Barangay Zone 7 sa Pulupandan.
Ginsiling ni Police Major Edfel Balibadlan, hepe sang Pulupandan PNP, upod ni Colindres ang duha niya ka mga abyan sakay man sang ila tagsa ka motorsiklo padulong sa sur sang highway.
Tigayon nga naka-overtake ang duha ka mga upod ni Colindres apang siya ang nakabunggo sa pang-ulihi nga bahin sang awto.
Nagasuksok sang helmet ang biktima apang bangud sang impact, nakaangkon siya sang injury sa iya dughan, suno pa kay Balibadlan.
Boluntaryo naman nga nagsungka ang driver sang sedan sa PNP.
Si Colindres ang magatapos na kuntani sa isa ka aeronautics school sa Manila sini nga tuig. Siya ang ari sa Negros para magbakasyon. Yara naman sa abroad ang iya mga ginikanan.