50 metros gikan sa main gate sang Sum-ag National High School, nabun-an sang isa ka dose anyos nga grade 7 student ang 14 anyos nga grade 8 student Lunes sang hapon.
Ginsiling ni Police Lieutenant Wilson Aguilar, Deputy Commander sang Police Station 9, sandig sa ila imbestigasyon, nagtinapungulay ang biktima kag ang suspect sa gwa sang eskwelahan sa wala pa matumod nga kabangdanan.
Sang natumba na ang suspek, nakapulot ini sang matalom nga bagay kag gilayon nga nabuno ang biktima nga nakaangkon sang pilas sa kamot kag lawas.
Matapos ang insidente, nagsungka ang 12 anyos nga suspek sa police station 9.
Ang biktima ang gilayon man nga gindala sa hospital kag yara na sa karun sa maayo nga kahimtangan.
Suno kay Aguilar, nakighinun-anon na ang kapulisan sa pamunuan sang Sum-ag National High School agud mapabaskog ang pagbantay sa mga estudyante kag malikawan ang kaangay sini nga insidente.
Samtang, nagpahanumdom naman ang Department of Education sa mga ginikanan nga bantayan kag tudluan sang maayo nga pamatasan ang ila mga kabataan, ilabi na nga halos tanan nga insidente sa Bacolod City ang nagakatabo sa gwa sang mga eskwelahan.
Ginakabig man sang DepEd nga alarming ang sunod-sunod nga kaso sang kalakasan sa tunga sang mga estudyante.
[sibwp_form id=1]