Kahapon, Marso 4, ginapangita sang iya ginikanan ang 13-anyos nga lalaki, taga Brgy. Binubuhan sa Bago City, bangud wala siya makapauli matapos mag-eskwela.
Sini nga aga, Huwebes, Marso 5, nakit-an ang lawas sang Grade 7 nga estudyante nga nagahapa kag underwear lang ang panapton, sa suba nga iya sang National Irrigation Administration, sakop sang Hacienda Mercedes, Barangay Ma-ao sa Bago City.
Ginsiling ni Police Lt. Col. James Latayon, hepe sang Bago PNP, na-late ang estudyante sa ila eskwelahan kahapon, gani wala na lamang siya nagsulod.
Sa baylo, nagligo ang estudyante sa suba.
May nakakita nga may mga bata nga upod sa pagpaligo ang estudyante, apang wala sang may naka-report nga nalumos ang biktima.
Sa initial nga imbestigasyon, wala sang may nakita nga mga pilas sa lawas sang estudyante, apang nagahulat pa ang kapulisan sa resulta sang post mortem examination agud mahibaluan kun may foul play ukon wala ang kamatayon sang biktima.*
[sibwp_form id=1]