Ginbawian sang kabuhi ang 11-anyos nga Grade 6 pupil matapos maiguan sang kilat sa Don Salvador 2, Barangay Tinampa-an sa iyudad sang Cadiz.
Nagahampang ang bata sa idalum sang puno sang Santol sa likod sang ila balay, sang siya ang naigo sang kilat.
Gindala sa Cadiz City Emergency Clinic ang biktima apang siya ang gindeklar nga wala na sang kabuhi.
Kada hapon, suno sa mga residente, masami nga nagapangilat sa lugar.
Nagapangayo karon sang bulig ang pamilya agud mahatagan sang desente nga lubong ang bata bangud tuman gid kapigado sang ila pangabuhi.
Ginahaya subong ang bangkay sa ila puluy-an sa Barangay Tinampa-an.