Patay ang 15-anyos nga estudyante matapos nga wala makagwa sa nasunog nila nga balay sa Purok Langob, Brgy. Blumentritt banwa sang Murcia, Sabado sang kaagahon.
Suno sa kay Fire Officer 2 Reymar Banaglorioso ang Chief sang Intelligence and Investigation unit sang Bureau of Fire Protection-Murcia, may nagkadto sa ila opisina agud ipahibalo nga may natabo nga sunog.
Gilayon nga nagresponde ang fire trucks sa lugar, samtang nagapadayon ang ila nga pagtapna sang kalayo ila nakita ang lawas sang isa ka tawo nga nasunog sa sulod sang banyo.
Base sa imbestigasyon sang BFP, ang biktima ang ginpukaw sang iya nga lolo bangud nagadako ang kalayo pero nagbalik pa siya sa sulod sang nagakasunog nila nga balay kag wala na maka gwa pa.
Gina usisa sang mga bombero kun bala ang ginsindihan nga kandila nga ginhalad sa lola sang biktima nga napatay sang nagligad nga semana ang ginhalinan sang kalayo.