Nagpanumpa na sang kagab-i si Governor Roel Degamo nga gindeklarar nga amo ang nagdaog nga gobernador sang Negros Oriental matapos i disqualify sang COMELEC ang nuisance candidate nga nag gamit sang iya ngalan.
Si Presidente Marcos mismo ang nagpanguna sa oath of office ni Degamo ini sa tunga sang kinagamo pa karon sa kapitolyo sang probinsya.
Damlag pa ginpahayag ni seating governor Henry Teves nga indi siya magpanaog sa pwesto tubtob makabaton sang order nga i uninstall siya sa iya nga pag asume sa office ukon ma nullify ang iya assumption.
Gani ang DILG ang nag pa gwa na sang memorandum angut sa political situation karon sa probinsya.
Suno sa DILG, indi na kinaganglan pa sang kun ano nga dokumento nga i issue ang DILG sa pag install kay Degamo bilang gobernador bangud sa ang COMELEC na mismo amo ang nag proklamar kay Degamo nga nagdaog bilang gobernador.
Mahimo mag appeal suno sa DILG si Teves apang wala sang gahum ang departamento para i questionon ang decisions ang COMELEC.
Si Degamo ang nagpa gwa naman sang order nga siya ang nag assume nga gobernador sang probinsya kag tanan nga mga transaksyon sa kapitolyo ang maagi na sa iya. Iya man gin mando ang pag balik sang mga na displace nga mga empleyado sang kapitolyo pati na mga department heads.