Almost 98% na ang nakuha sang Comelec nga election returns sa probinsya sang Negros Oriental. Kag base sa partial unofficial result, ang naga panguna sa pag ka gobernador amo si Bayawan City Mayor Henry Teves nga naka kuha sang 296,633 votes.
Nagapangduha si incumbent Governor Roel Degamo nga may 277,143 votes naman.
Ang naga pangatlo amo ang gin reklamo ni Degamo bilang nuisance candidate nga naga pangalan man Ruel Degamo. Nakuha sang isa ka Degamo ang boto nga 48,973.
Apang gin post ni Governor Degamo sa iya Facebook page ang resulta sang ila nga petition agud i cancel ang candidacy ni Ruel Degamo.
Kag base sa resulta nga ginpapanaog sang Comelec Second Division, ila gin deklarar si Ruel Degamo nga isa ka nuisance candidate kag gin cancel ang iya nga candidacy.
Gin pahayag naman ni Governor Degamo nga base sa Comelec resolution, dapat nga maisip sa iya ang boto sang nuisance candidate bisan pa natapos na ang election.
Apang gin pahayag naman ni Atty Lionil Castellano, provincial Comelec supervisor sang Negros Oriental nga kuno wala pa na raise sa Comelec board ang angut sa pag isip sang boto sang nuisance candidate para sa kay Governor Degamo.