Shadow

Government Center sang Sagay City ginsirad-an para sa disinfection

Ginpaidalom sa emergency disinfection ang Government Center sang Sagay City subong nga adlaw.

Suno kay Atty Ryan Bonghanoy ang action officer sang Sagay Inter Agency Task Force ini matapos nag positibo sa COVID-19 ang city accountant sang Sagay.

Gin paidalom naman sa swabbing ang mga katapo sang City Accountant’s Office kaina sang aga suno kay Bonghanoy.

Bwas nga adlaw maga bukas ang government center magluwas na lamang sa talatapan sang city accountant.

Samtang partial naman nga maga bukas ang government center sang Sipalay City bwas nga adlaw.

Sa announcement sang LGU sa page sini sa mga maaga bukas nga talatapan 50 percent ang maga report nga workforce. Sa mga gin paidalom sa swab test maka report lamang sila kun may ipakita nga negative RT PCR test result.

Samtang padayon naman nga sirado ang City Mayor’s Office, CMO barangay affairs unit, Office of the City Administrator, Bids and Awards Committee kag City Tourism Office.

Leave a Reply

Your email address will not be published. Required fields are marked *

Secured By miniOrangeSecured By miniOrange