Ang volume ukon ang kadamuon sang kalamay nga iga-import kag ang timing ukon san-o ini ipatuman ang labing importante nga mga konsiderasyon sa sugar importation.
Ini suno kay Negros Occidental Governor Eugenio Jose Lacson nga nagsiling nga humalin pa man sadto ang sugar industry ang wala naga pamatok sa sugar importation.
Ini basta wala sang smuggling kag natun-an sang maayo ang kadamuon ukon kantidad sang iga import nga kalamay kag ang timing sang pag import sini.
Ang Department of Agriculture kag Sugar Regulatory Administration ang nag recommend sang pag import sang 450,000 metric tons sang refined sugar para masolusyonan ang mahal nga retail prices.
Suno kay Lacson may specific instruction gikan sa Presidente nga dapat may yara sang 2-month inventory.
“Dapat timing lang na when end of milling begins. There’s always that month nga tawag naton tiempos muertos that should be the month where this agreed imported sugar can come in”, suno kay Lacson.
Damlag pa nag pa gwa sang pahayag ang UNIFED nga sila ang naga suporta sang tikang nga mag import sang sugar. Panawagan sang Unifed sa SRA nga plastaron sang maayo ang release sang amo nga imported sugar para mapasiguro nga indi ma apektuhan ang millgate prices.
Ang panindugan naman sang National Federation of Sugarcane Planters amo nga dapat may datus bahin sa sugar production agud mapat-od ang volume sang iga import nga kalamay.
Gina kilala nila nga nga kinahanglan mag import lakip na ang kinahanglanon para sa buffer stock.