Probinsya sang Negros Occidental mahimo maga patuman sang re-bidding para sa Bulk Water Project sini.
Ini suno kay Negros Occidental Governor Eugenio Jose Lacson, matapos nga ang ginatanyag nga bili sang tubig sang lone bidder para sa 1.2 billion peso project sang probinsya ang mahal sang sa luyag nga presyo sang probinsya kag sa gina lauman sang off-takers.
P24 per cubic meter ang gina-propose sang lone bidder nga consortium sang First Balfour Inc., Victorias Milling Co. kag FPIP Utilities Inc. suno kay Lacson. Isa man sa ginalantaw sang probinsya suno sa gobernador amo nga maga dugang ang probinsya sa equity para man maduso ang mas barato nga bili sang tubig.
200 million pesos ang equity sang probinsya sa proyekto.
Ang bulk water project isa sa mga major projects sang Lacson Administration.
Gina lauman nga masabat sini ang kakulang sang matinlo kag potable nga tubig sa Negros Occidental.
Suno kay Lacson sa iya nga ikatlo kag final term tutukan niya nga matapos ang mga nasugdan nga proyekto kag mag expand ang nagapadayon nga mga proyekto.
Sa Hunyo 28 naman maga take-oath ang Gobernador.