20 porsiento nga mas nubo ang nangin sales sang Panaad Festival karon nga tuig kun ipaangid sa 2023.
Ini suno kay Negros Occidental Governor Eugenio Jose Lacson, base sa partial sales report nga ila nabaton.
Sa report nga gin-release sang kapitolyo sa sulod sang pito ka adlaw, P19,250,439.50 ang nangin sales, pero suno kay Lacson, indi pa man lubos nga nagsulod sang sales sa ika pito nga adlaw, gani mahimo nga magasaka pa ini. P4.4 million nga mas manubo ini kun ipaanggid sa 2023 suno kay Lacson. Paathag sang gobernador mahimo apektado ang buying power sang mga pumuluyo kay bisan pa ang Metro Bacolod Chamber of Commerce ang Industry suno sa iya ang nakamutik sini sa mga regular nga mga baligyaan.
Gin dugok naman suno sa iya ang mga activities nga gin mount sang probinsya kaangay sang Festival Dances kag Lin-ay sang Negros. Indi naman kasubong ang attendance sa mga concerts suno kay Lacson. Pero sa kabilugan suno kay Lacson nangin madinalag-on ang kahiwatan sang Panaad sa Negros Festival kag sa bahin sang probinsya gina tinguhaan nga sa kada tuig mas mapaayo pa gid ini.
“I think it’s more of the purchasing power, if people had money naman, I think they would be able to adjust to the heat and proof to that, the events that we prepared was well attended, I think mostly people were there, but they were not buying as much compared to last year. And I also noticed a lot of young people and we cannot expect them naman to go out and splurge. Pero as a whole I would like to think it was successful”, suno kay Lacson.