Gobernador ang naga suporta sang ano man nga tikang para mapaayo ang presyo sang kalamay.
Ang pagnubo sa presyo labing maga apekto suno sa iya sa mga magagmay nga mangunguma lakip na ang masunod nga crop year.
Nagapasalamat si Governor Eugenio Jose Lacson nga ang mga congressman sa Negros Island Region ang nag hugpong kag napadangat sa national level ang sitwasyon sang presyo sang kalamay karon nga milling season.
Tuman pa man ka temprano sa karon suno sa gobernador, kag balantayan ang pag bag-o sa presyo, kasunod man sang tikang sang Sugar Regulatory Administration nga naga siling nga wala sang importation nga matabo tubtob nga matapos na ang milling season subong.
Naga laum siya nga makabawi balik sa average sang nagligad nga milling season nga yara sa P2,700 tubtob sa P2,800 ang kada 50 kilo bag sang kalamay.
Subong yari ini sa P2,350 per 50-kilo bag, halos indi pa makabawi sa production cost. Kun magpabilin nga manubo ang presyo labing maigo ang magmay nga sugar farmers suno sa iya.
Kag indi ma negar nga ang industriya sang kalamay ang naga pabilin driving force sang ekonomiya sang probinsya.
May mga panawagan man sa SRA nga dapat mag paathag sa sitwasyon.
Suno kay Lacson, kun may dapat gid man sila nga ipaathag, dapat mag paathag sila.