Isa ka positibo nga development ang pag lift sang World Health Organization sang Covid-19 bilang global health emergency.
Ini suno kay Negros Occidental Governor Eugenio Jose Lacson, pero dapat sa gihapon maga pabilin ang publiko nga mangin mabinantayon.
Dugang pa sang gobernador, mas maayo pa gid kun mag gamit sang face mask.
Kun may pagsaka man sa Covid cases sang probinsya suno kay Lacson ini bangud sang pag halog sang restrictions ukon pag bukas na sang tanan.
Sa mga wala sa gihapon nabakunahan suno kay Lacson mas maayo nga maka pabakuna sila.
Sang Abril 27, nag pa gwa sang Executive Order si Lacson nga naga establish sang guidelines para sa voluntary nga pag gamit sang face mask.
Ini ang naga lakip sang outdoor kag indoor spaces pero gina haylo sa pag gamit sang face mask ang mga elderly, mga may co-morbidity, immunocompromised, mga wala nabakunahan, naga busong kag yadtong may mga nakitaan sang sintoma.
Naga pabilin naman nga mandatory ang pag gamit sang face mask sa mga healthcare facilities, enclosed areas kag public transportation magluwas na lamang sa mga tricycle kag non airconditioned nga mga salakyan.