Gobernador ang naga haylo sa grupo nga naga pamatuk sa gina duso nga GMO ordinance nga mag tambong sa public hearing nga patigayunon.
Indi na anay luyag pa ni Governor Eugenio Jose Lacson nga mag pa gwa sang pahayag angut sa gin certify niya nga urgent nga GMO Ordinance tubtob nga maka pa gwa sang desisyon ang Sangguniang Panlalawigan diri.
Suno kay Lacson, sa public hearing tigayon nga masabat ang mga concerns kag mga palamangkutanon sang mga grupo nga nagalakip sang simbahan, environment, organic, kag civil society organizations nga naga pamatuk sa gina duso nga GMO ordinance.
Gin paathag sang Miyerkules ni Provincial Administrator, Rayfrando Diaz nga ang proposed ordinance sa GMO ang kinahanglanon agudto mapaayo ang food security sang probinsya.
Paagi sini matugutan ang production sang GMO feeds para sa livestock.
Wala sang luyag mag patukod sang feedmills sa Negros Occidental suno sa iya kay wala sang feedstock.
Ginsiling naman ni Lacson nga indi man siya maka hambal sa karon kun may investor bahin diri.
Sa isa ka joint declaration sang Martes, ginapamatukan sang grupo ang testing sang GMO sa probinsya sandig sa nakasaad sa gina propose nga ordinance.
“Negros Occidental must remain GMO-free. Its destiny lies in being a model for ecological food systems, not a testing ground for technologies that threaten our land, our health, and our future,” suno sa ila nga deklarasyon.
“GMOs have no place in organic agriculture, nor in the future of Negros”, dugang pa sang grupo.