Padayon ang hinampang sa Regional Meet sa Aklan kun sa diin ang Negros Occidental ang isa sa mga nagapanguna sa medal tally.
Sa Elementarya, nagapanguna ang Iloilo nga may 18 ka gold sa 2pm nga medal tally sa Western Visayas Regional Athletic Association Meet. Nagasunod naman ang Negros Occidental nga may 14 ka gold, Aklan may 4, kag Capiz 2 ka gold.
Sa Secondary naman, ang Iloilo ang may 20 ka gold, Negros Occidental ang may 20 ka gold, 9 naman ang sa Aklan, 5 sa Guimaras kag 4 sa Antique.
Sa Para Games naman, 25 ang gold sang Iloilo, 9 ang Negros Occidental, 2 Aklan kag 1 Capiz.
Personal nga nag bisita si Negros Occidental Governor Eugenio Jose Lacson sa mga humlampang sang probinsya sa pag hatag sang suporta sa ila kag sa pagpasiguro man nga maayo ang ila nga kahimtangan.
Wala sang may gin promisa si Lacson sa ila nga incentive. Indi pa man sigurado suno sa iya kun mahatagan sang incentive ang mga maga daog.
Luyag sang gobernador nga mahaylo ang mga humalampang labi na ang huben pa nga ang motibo sa ila nga paghampang bangud sang ila nga huyog sa sports, ukon ayhan para sa ila nga pamilya ukon para sa bugal sang probinsya kag indi tungod sang financial incentive.