Shadow

Gov: Mass vaccination sa Negros Occidental nag improve na

PIMT photo

Mas nag mangin maayo ang vaccine roll out karon sang probinsya sa bag-o nga sistema nga gina patuman.

Sa June 21 nga report sang probinsya, nagdangat na sa mga 90 por siento sa na deliver nga bakuna sa mga banwa kag siuad sang na-utilize na.

Ginalauman nga mapa ubos gamit subong nga adlaw ukon sini nga semana ang nabilin pa nga masobra sa 2,600 ka Sinovac vaccine gikan sa kabilugan nga 14,525.

Suno sa gobernador pag katapos sang Sinovac vaccine paga gamiton ang nag-abot sa nagligad nga Pfizer vaccines.

Mas nangin maayo man ang sistema karon nga ginadul-ong ang bakuna sa mga LGU nga nagakinahanglan, pero naga laum ang gobernador nga mas mangin maayo pa gid ang vaccine roll out ilabi na nga sa abiso sang national government maga abot ang mas damo nga supply sa Agosto.

Samtang sa pagsapol mga opisyales sa department of health kahapon suno kay Lacson gintalakay man kun ngaa ang pagpatuman sang bakuna para sa A4 category yara pa lamang sa ncr plus kag wala pa makapanaog sa mga probinsya.

Leave a Reply

Your email address will not be published. Required fields are marked *

Secured By miniOrangeSecured By miniOrange