Indi dapat pagkalipatan ang matuod-tuod nga rason sang Paskwa. Ini suno kay Negros Occidental Governor Eugenio Jose Lacson nga nagsiling man nga dapat mangin mapinasalamaton ang tagsa-tagsa.
Sa mga empleyado sang kapitolyo probinsyal, gina haylo sang gobernadora nga mag paambit man sila sang ila nga nabaton labi na nga indi man tanan ang tigayon nakabaton sang kaayuhan nga ila nabaton. Injury free New Year naman ang gina paabot ni Lacson sa mga Negrense nga naga panugyan sa tanan nga maghalong labi na nga karon nga naghalog na ang restrictions.
Mas maayo nga saksihan na lamang ang fireworks display sa mga community fireworks na lamang. Nagalaum man siya nga mag mangin maayo ang ekonomiya, nga ma pangapinan ang probinsya gikan sa African Swine Fever, kasubong man sa bird flu kag bisan pa sa ano man nga kalamidad.
“That we will have very minimal typhoons. We will always be protected from ASF and also avian flu and that the economy will pick-up. I also pray that the sugar industry will continue to be blest. There’s no doubt it is a good year for the sugar industry, and I hope this will continue in the years to come”, suno kay Lacson.
Prayoridad naman sang probinsya ang bulk water project para sa 2023, kun sa diin tinutuyo sini ang pag angkon sang matinlo kag nagakaigo nga supply sang tubig para sa mga LGU.