Luyag nga malikawan ni Negros Occidental Governor Eugenio Jose Lacson ang pagpatuman sang restriction rason nga siya ang naga panawagan sa mga Negrense nga mag gamit sang face mask.
Nagapabilin sa Alert Level 2 ang Negros Occidental kun sa diin gina mando ang pagpatuman sang 50 percent capacity sa mga establishment indoors para sa fully vaccinated adults kag 70 percent capacity naman outdoors.
Suno kay Lacson, luyag niya anay nga panilagan ang sitwasyon. Nakita na sadto ang epekto sang restrictions sa ekonomiya suno sa iya kag padayon pa sa gihapon ang pag tibawas.
Sa karon 74 ang active cases sang Negros Occidental kag 11 ang new cases sang kahapon.
Manubo pa man suno sa gobernador ang utilization rate sang health care facilities sa probinsya kag wala man nagadangat kun sa diin kinahanglan nga ihanda balik ang mga quarantine facilities.
Nagapabilin nga bukas ang Cadiz Distirct Hospital bilang Covid designated hospital.
Nalakip sa panawagan sang gobernador ang mag pa booster kag mag pabakuna sa mga wala pa nabakunahan para mapangapinan ang kaugalingon.
Samtang may bilin ang pa ang bakuna, mag avail na sang vaccine, indi mapat-od kun may maga abot pa nga supply.
Dugang pa niya, ang mga senior citizen mas maayo nga likawan na ang pag lagaw anay.